Cashly АППЛИКЕЙШНИЙ
МЭДЭЭЛЛИЙН АЮУЛГҮЙ БАЙДАЛ
Та манай үйлчилгээг ашиглахаасаа өмнө "МОНГОЛИАН ЮНАЙТЕД КРЕДИТ" ХХК-ийн "Cashly" аппликейшний энэхүү нөхцөлтэй сайтар танилцаж, зөвшөөрөх эсэхээ шийдэхийг зөвлөж байна.
1. CASHLY АППЛИКЕЙШНИЙ ХЭРЭГЛЭГЧ БОЛОХ
Та Cashly аппликейшнийг App Store болон Play Store-оос татан авч өөрийн мэдээллээ бүртгүүлэн баталгаажуулснаар ашиглах боломжтой болно.
1.1. Аппликейшнд бүртгүүлэхэд танаас дараах мэдээллүүдийг шаардана:
- •1.1.1. Овог, нэр;
- •1.1.2. Регистрийн дугаар, иргэний бүртгэлийн дугаар;
- •1.1.3. Гар утасны дугаар;
- •1.1.4. Цахим шуудангийн хаяг;
1.2. Аппликейшний хэрэглэгчид дараах шаардлагыг тавина:
- •1.2.1. Монгол Улсын иргэн байх;
- •1.2.2. 18 насанд хүрсэн байх;
- •1.2.3. Ухаалаг гар утастай, өөрөө ашиглаж чаддаг байх.
2. БҮТЭЭГДЭХҮҮН ҮЙЛЧИЛГЭЭ, НӨХЦӨЛ
Бид Cashly аппликейшнээр дамжуулан танд зээлийн үйлчилгээг үзүүлнэ.
2.1. Зээлийн үйлчилгээ:
- •2.1.1 Та харилцагч үйлчилгээний төвд биеэр бичиг баримттайгаа хүрэлцэн ирж цаасаар, эсхүл тоон гарын үсэг ашиглан хүссэн газраасаа цахимаар Цахим зээлийн эрх нээх гэрээ байгуулан манай зээлийн үйлчилгээг авах боломжтой.
- •2.1.2 Та манай зээлийн бүтээгдэхүүн, үйлчилгээний ерөнхий нөхцөл, хүү, шимтгэл, хураамжийн нөхцөлтэй аппликейшнээр, эсхүл https://www.cashly.mn/ хуудсаар дамжуулан хэдийд ч танилцах боломжтой.
- •2.1.3 Зээлийн бүтээгдэхүүн эргэн төлөх хугацаа (Repayment Period) 61 хоног байна. Жилийн бодит хүүгийн дээд хэмжээ (Maximum Annual Percentage Rate - APR) 33%, зээлийн хэмжээ 150,000₮ - 20,000,000₮ байна.
- •2.1.4 Зээлийн шимтгэл нь зээлийн дүнгээс үл хамааран 2000₮ байна.
3. ХЭРЭГЛЭГЧИЙН ЭРХ, ҮҮРЭГ
- 3.1.Үйлчилгээний нөхцөл, хүү шимтгэл, хураамжийн талаарх мэдээлэл, гэрээний агуулгатай уншиж танилцах, шаардлагатай бол тайлбар хүсэх, тодруулга авах эрхтэй;
- 3.2.Аппликейшн дэх бүртгэлээ устгуулах хүсэлтийг өөрийн биеэр болон аппликейшнээр дамжуулан гаргах эрхтэй;
- 3.3.Монгол Улсын холбогдох хууль тогтоомж, манай байгууллагын эрсдэлийн удирдлагын хүрээнд бусад дотоод журмаар шаарддаг мэдээлэл, бичиг баримтыг үнэн зөв, бүрэн гаргаж өгөх үүрэгтэй;
- 3.4.Өөрийн холбоо барих утасны дугаар, цахим шуудан, зэрэгт өөрчлөлт орсон тухай бүрт аппликейшний “Хувийн мэдээлэл” цэс дэх мэдээллээ шинэчлэх үүрэгтэй;
- 3.5.Хэрэглэгч нь өөрийн аппликейшний нэвтрэх нэр, нууц үгийг бусдад мэдээлэхгүй байх үүрэгтэй;
- 3.6.Цахим шуудан, интернэт сувгуудыг ашиглахдаа хувийн мэдээллийн нууцаа хамгаалах, залилан болон хулгайн гэмт хэргийн эрсдэлээс сэргийлэх үүрэгтэй;
- 3.7.Гуравдагч этгээдэд санаатай болон болгоомжгүй байдлаар гар утас, төхөөрөмжийг дамжуулсан, ашиглуулсан, хэрэглүүлсэн, гар утас, төхөөрөмж нь эвдэрсэн, унтарсан, сүлжээнээс гадуур гарсан, эсхүл гар утас, сим картаа дамжуулсан тохиолдолд Cashly апп-д яаралтай мэдэгдэх үүрэгтэй;
- 3.8.Гар утасны дугаар, и-мэйл хаягаар өөрчилсөн, бусад хувийн мэдээллийг гуравдагч этгээдэд алдсан талаар Cashly апп-д мэдэгдээгүйгээс үүсэх хариуцлагыг Хэрэглэгч бүрэн хариуцна;
- 3.9.Зээл авахдаа өөрийн санхүүгийн нөхцөл байдал, эргэн төлөх боломжийг харгалзан шийдвэр гаргах үүрэгтэй.
4. CASHLY АПП-ЫН ЭРХ, ҮҮРЭГ
- 4.1.Хэрэглэгчийн мэдээллийг цуглуулах, боловсруулах, ашиглах зөвшөөрөлд заасан зөвшөөрлийн дагуу мэдээллийг боловсруулах, ашиглах эрхтэй;
- 4.2.Хэрэглэгчийн хувийн мэдээллийн өөрчлөлтийг холбогдох эрх бүхий байгууллагаас гаргуулан авах эрхтэй;
- 4.3.Хэрэглэгчийг холбогдох хууль тогтоомжид заасан үүрэг, Цахим зээлийн эрх нээх гэрээгээр хүлээсэн үүргээ биелүүлэхийг шаардах, шаардлагыг биелүүлээгүй тохиолдолд гэрээг цуцалж, үүргийн гүйцэтгэлийг шаардах эрхтэй;
- 4.4.Бүтээгдэхүүний нөхцөлийг өөрийн санаачилгаар өөрчилж болох ба өөрчлөлтийг хуанлийн 30 (гуч) хоногийн өмнө вэб хуудсаар дамжуулан мэдээлэх ба өөрчлөлт орсноос хойш хэрэглэгч үйлчилгээг хэрэглэсээр байгаа бол өөрчлөлтийг хүлээн зөвшөөрсөнд тооцох эрхтэй;
- 4.5.Апликейшнд нэвтрэх арга, хэлбэрийн хувьд хувь хүнийг тодорхойлох нэмэлт нууц үг, төхөөрөмжийн баталгаажуулалт, тэдгээрийг хавсран хэрэглэх зэрэг шаардлагыг тавих эрхтэй;
- 4.6.Cashly нь зээлдэгчийн санхүүгийн сахилга бат, зээлийн түүхийг үнэлэхэд ач холбогдол бүхий гуравдагч этгээдээс авч болох зээлийн мэдээллийн сан, нийгмийн даатгалын мэдээлэл, хөдлөх болон үл хөдлөх хөрөнгө, барьцаа хөрөнгийн тухай мэдээллийг (үүгээр хязгаарлагдахгүй) ашиглах эрхтэй;
- 4.7.Хэрэглэгчид бүтээгдэхүүн, үйлчилгээний нөхцөл, хүү, шимтгэл, хураамжийн мэдээллийг өгөх үүрэгтэй;
- 4.8.Хууль тогтоомж, хэрэглэгчийн зөвшөөрөл болон гэрээнд зааснаас бусад тохиолдолд хэрэглэгчийн мэдээллийг бусдад задруулахгүй байх үүрэгтэй;
- 4.9.Хэрэглэгчид түргэн шуурхай найдвартай үйлчилгээ үзүүлэх үүрэгтэй;
- 4.10.Системийн тасралтгүй, хэвийн, аюулгүй ажиллагааг хангаж ажиллах шаардлага арга хэмжээг авах үүрэгтэй;
5. ҮЙЛЧИЛГЭЭНИЙ ЭРХ
5.1. Cashly нь дараах нөхцөлийн аль нэг бүрдсэн, эсхүл хуульд заасан бусад үндэслэл бий болсон тохиолдолд зээлдэгчийн аппликейшн ашиглах эрхийг хаах, шаардлагатай тохиолдолд харилцагчтай байгуулсан Цахим зээлийн эрх нээх гэрээг дуусгавар болгоно. Үүнд:
- •5.1.1. Харилцагчийн ирүүлсэн хүсэлтэд үндэслэн;
- •5.1.2. Зохицуулагч байгууллагын үндэслэл бүхий шаардлагаар;
- •5.1.3. Аппликейшн болон зээлийн түр дансыг хууль бус үйл ажиллагаанд ашигласан;
- •5.1.4. Cashly апп-д худал мэдээлэл өгсөн, хууран мэхэлсэн;
- •5.1.5. Cashly апп-ын үйл ажиллагаанд саад учруулсан;
- •5.1.6. Cashly апп-ын бүтээгдэхүүн, үйлчилгээг бусад хэрэглэгчдэд хортой, зүй зохисгүй байдлаар ашигласан;
- •5.1.7. Мөнгө угаах болон терроризмыг санхүүжүүлэхтэй тэмцэх тухай хууль тогтоомжоор хориглосон үйлдэл, эс үйлдэхүй үйлдсэн;
- •5.1.8. Төрийн эрх бүхий байгууллагаас ирсэн, хууль тогтоомжид заасан үндэслэл бүхий шаардлагын дагуу.
6. МЭДЭЭЛЛИЙН АЮУЛГҮЙ БАЙДАЛ
- 6.1.Cashly нь харилцагчийн хувийн мэдээллийг гадны халдлагад өртөх, санаатай болон болгоомжгүй байдлаар алдагдахаас урьдчилан сэргийлэх, техник, технологи болон үйл ажиллагааны дүрэм, журмын хүрээнд найдвартай хамгаалах арга хэмжээг тухай бүр хэрэгжүүлэн ажиллана.
- 6.2.Хэрэглэгч нь өөрийн мэдээллийн аюулгүй байдлыг хангах зорилгоор бусад этгээд зөвшөөрөлгүй нэвтрэхээс сэргийлэх, цахим шуудан, мессеж, утсаар өөрийн нууц мэдээллийг бусдад өгөхгүй байх зэргээр өөрөөс хамаарах арга хэмжээг авна.
7. САНАЛ, ХҮСЭЛТ, ГОМДОЛ ШИЙДВЭРЛЭХ
7.1. Cashly нь таны гаргасан санал, хүсэлт, гомдлыг хүлээн авч, ажлын 3 хоногийн дотор холбогдох, боломжит хугацаанд шийдвэрлэхийг эрмэлзэх бөгөөд Хэрэглэгч нь дараах сувгуудаар санал, хүсэлт, гомдол, мэдээлэл гаргах боломжтой.
- •7.1.1. 7222-9999 дугаарт хандах;
- •7.1.2. Апп доторх санал гомдол хэсэг ашиглах;
- •7.1.3. Social хаягууд.
8. БУСАД
- 8.1.Cashly аппликейшнд бүртгүүлснээс хойш талуудын хүсэл зоригоос үл хамаарах шалтгаанаар тухайлбал гал түймэр, үер, хур тунадастай болон шороон шуурга, газар хөдлөлт, аянга цахилгаан, галт уулын болон бусад тэсрэлт, дэлбэрэлт, цаг агаарын хэт халалт ба хүйтрэлт эсхүл төрийн эрх бүхий байгууллагын шийдвэр, хорио цээрийн дэглэм, гоц халдварт өвчин, ажил хаялт, нийтийг хамарсан эмх замбараагүй байдал, үймээн самуун, зэвсэгт мөргөлдөөн, дайн (зарлагдсан болон зарлагдаагүй), террорист халдлага, улс орныг хамарсан түлш, эрчим хүчний хязгаарлалт, бүх нийтийг хамарсан сүлжээний хэт ачаалал, доголдол тасалдал зэрэг гэнэтийн буюу давагдашгүй шинжтэй нөхцөл байдлын улмаас Cashly нь энэхүү үйлчилгээний нөхцөл болон хэрэглэгчтэй байгуулсан гэрээний үүргээ биелүүлээгүй буюу зохих ёсоор биелүүлээгүй тохиолдолд хариуцлага хүлээхгүй.
- 8.2.Хэрэглэгч Цахим зээлийн эрх нээх гэрээтэй холбогдон гарч болзошгүй бүх санал зөрөлдөөн, маргааныг талууд харилцан зөвшилцөх замаар шийдвэрлэхийг эрмэлзэх бөгөөд тийнхүү шийдвэрлэж чадахгүй тохиолдолд Монгол Улсын шүүхээр шийдвэрлүүлнэ.
МЭДЭЭЛЛИЙН АЮУЛГҮЙ БАЙДЛЫН БОДЛОГО
•Холбогдох хууль тогтоомж, мэдээллийн аюулгүй байдлын стандарт, шаардлагад нийцсэн бодлого, журмыг боловсруулан байгууллагын үйл ажиллагаандаа мөрдөж, хэрэгжилтийг хянах байдлаар тасралтгүй сайжруулан ажиллана.
•Хэрэглэгч болон харилцагч байгууллагын мэдээллийг үнэ цэнэтэй мэдээллийн хөрөнгө гэж үзэн, үнэн зөв, хүртээмжтэй байдлыг хангаж ажиллах бөгөөд өөрийн мэдээллийг хэрэгтэй үедээ харах, авах боломжийг нээлттэй байлгаж, зөвшөөрөлгүйгээр задруулах, засварлах, устгахаас сэргийлнэ.
•Мэдээллийн аюулгүй байдлыг хангахын тулд шаардлагатай техник технологи, хүний нөөц болон санхүүгийн нөөцөөр тогтмол хангаж, дэвшилтэт технологийг ашиглан байгууллагын мэдээллийг алдагдахаас сэргийлэх цогц арга хэмжээг авч хэрэгжүүлэн, хэрэглэгч болон харилцагч байгууллагуудад мэргэжлийн түвшний үйлчилгээг үзүүлнэ.
•Бид туслан гүйцэтгэгч, хамтран ажиллагч бүх байгууллагад мэдээллийн аюулгүй байдлыг хангах талаар зохих шаардлагуудыг тавьж, тогтмол мэдээлэл солилцох замаар оролцоог хангана.
•Бид ажилтнуудынхаа мэдээллийн аюулгүй байдлын мэдлэг ойлголтыг тогтмол дээшлүүлэх, ур чадвараа тасралтгүй сайжруулах боломжийг бүрдүүлэн, өдөр тутамдаа хэвшүүлэх дадлыг бий болгоно.
ЦАХИМ ЗЭЭЛИЙН БҮТЭЭГДЭХҮҮНИЙ НӨХЦӨЛ
Cashly нь Хэрэглэгчийн мэдээллийг Хэрэглэгчээс өгсөн зөвшөөрлийн дагуу тухайн зөвшөөрөлд заасан зорилгоор авч ашиглана.
ХЭРЭГЛЭГЧИЙН МЭДЭЭЛЛИЙН НУУЦЛАЛТ
•Аппликейшний программ хангамж нь хэрэглэгчийн үндсэн мэдээлэл, зээлийн болон эргэн төлөлтийн талаарх мэдээллийг автоматаар серверт архивлан хадгална.
•Аппликейшний программ хангамж болон систем нь хэрэглэгчийн мэдээллийн нууцлалыг хамгаалахуйц техникийн нөхцөлийг бүрэн хангасан байна. Хэрэглэгчийн мэдээлэлд хувийн мэдээллээс гадна Cashly-аас авч буй үйлчилгээтэй холбоотой бүхий л мэдээллийг хамруулан ойлгоно.
•
Аппликейшний программ хангамж нь хэрэглэгчийн санхүүгийн хэрэгцээг тодорхойлж, үйлчилгээ авахад саадгүй түргэн, шуурхай, эрсдэлгүй төлбөр тооцоог дамжуулах зорилгоор дараах хувийн мэдээллийг цуглуулна. Үүнд:
- •Хэрэглэгчийн овог, нэр, регистерийн дугаар, иргэний бүртгэлийн дугаар
- •Оршин суугаа хаяг
- •Холбоо барих утасны дугаар, и-мэйл хаяг
- •Үйлчилгээнд хандсан төхөөрөмжийн IP, ID хаяг болон хандалтын түүх
- •Аппликейшний хэтэвчээр хийгдсэн төлбөрийн гүйлгээний мэдээлэл
- •Хэрэглэгчийн утасны зургийн цомог болон контактын мэдээлэл
•
Цуглуулсан мэдээллийг дараах зорилгоор ашиглах бөгөөд бусад зорилгоор ашиглах, гуравдагч этгээдэд задруулахыг хориглоно. Үүнд:
- •Зээлийн мэдээллийн тухай хуульд заасан мэдээллийг зээлийн мэдээллийн үйлчилгээ үзүүлэх этгээдэд гаргаж өгөх;
- •Зээлийн эрхийн тооцоолол хийх, зээлийн эрхийн хэмжээг тооцоолох;
- •Зээл олгоход ашиглаж буй программ хангамж, аппликейшнд хөгжүүлэлт хийх зорилгоор программ хангамж хөгжүүлэгч байгууллагуудад гаргаж өгөх;
- •Зээл эргэн төлүүлэх зорилгоор ажил олгогч байгууллагад шаардлагатай мэдээллийг хүргүүлэх.
•
Хэрэглэгчид аппликейшнийг татан авч, бүртгүүлэх болон ашиглах үед өөрийн мэдээллийн нууцлалыг хангах үүрэгтэй. Үүнд:
- •Аппликейшнд хандах нэвтрэх нэр, нууц үг, гүйлгээний нууц кодыг гуравдагч этгээдэд дамжуулахгүй байх;
- •Гүйлгээний нууцлалын тохиргоог өөрчилсний улмаас үүдэн гарсан асуудал, үр дагавар, хохирлыг бие даан хариуцах;
- •Нэвтрэх нууц үг, гүйлгээний нууц кодоо үрэгдүүлсэн, хулгайд алдсан тохиолдолд бусдад нээлттэйгээр хадгалахгүй байх;
- •Аппликейшний ямар ч гүйлгээний мэдээллийг гуравдагч этгээдэд задруулахгүй байх.